„Mín reynsla er sú að fólk finnur oftast fljótt fyrir góðum áhrifum kollagensins,” segir Ásta Árnadóttir sjúkraþjálfari.
„Íþróttafólk getur þróað með sér slit í hnjám, mjöðmum og baki. Slit í öxlum er til dæmis algengt hjá handboltafólki vegna mikils álags. Slit í liðum hrjáir oft einnig þá sem stunduðu íþróttir á sínum yngri árum og þegar fólki verður illt í liðum þá hreyfir það sig minna. Við það skapast vítahringur en honum er hægt að snúa við með mataræði, hreyfingu og réttum styrktaræfingum. Mín reynsla er sú að það er möguleiki á að minnka verki og stirðleika frá liðum og sinum þrátt fyrir slit. Auk þess er mikill ávinningur í að minnka einkenni slits með inntöku á kollageni,“ segir Ásta Árnadóttir sjúkraþjálfari.
Ásta hefur mikla reynslu af meðhöndlun íþróttafólks og þar sem álag er mikið á liði. Hún starfar meðal annars sem sjúkraþjálfari kvennalandsliðsins í fótbolta og þekkir vel til vandamála í hnjám, ökklum, baki og mjöðmum.
„Ég vinn mikið með afreks íþróttafólki úr ólíkum íþróttagreinum. Þar sem álagseinkenni og meiðsli eins og slit, vöðva- og sinafestuvandamál eru meðhöndluð. Ég kem sjálf úr fótboltaheiminum og æfði fimleika á mínum yngri árum. Ég náði að halda mér þokkalega meiðslalausri í fótboltanum en í seinni tíð hefur stirðleiki í baki komið fram en þá hefur hjálpað mér að taka inn íslenska kollagenduftið frá Feel Iceland.
Regluleg inntaka kollagens virðist hjálpa til við að draga úr verkjum þar sem þegar er komið slit og hugsanlega minnka líkurnar á frekari sliti,“ segir Ásta.
„Regluleg inntaka kollagens virðist hjálpa til við að draga úr verkjum þar sem þegar er komið slit og hugsanlega minnka líkurnar á frekari sliti,“ segir Ásta.
Leikmönnum NBA ráðlagt að taka kollagen
Rannsóknir á kollageni hafa aukist mikið á undanförnum árum og af erlendum rannsóknum má ráða að kollageninntaka geti hjálpað til við að endurnýja skemmda (skaddaða) liði og má meðal annars lesa í grein sem birtist í The Guardian í vetur um virkni kollagens á líkamann og rannsóknir sem hafa verið gerðar og/eða eru í gangi, með kollagenuppbót.
Má þá nefna fyrst rannsókn sem gerð var á leikmönnum í NBA-deildinni í körfubolta sem höfðu slitið krossband. Teknar voru frumur úr þessum leikmönnum og eftirmynd krossbanda búin til á rannsóknarstofu. Kom í ljós að með því að næra krossbandið með tveimur amínósýrum; prólín og glýsín (tvær megin amínósýrur sem eru í Feel Iceland kollageni) þá styrktist krossbandið töluvert. Fljótlega eftir þessa niðurstöðu var farið að ráðleggja íþróttamönnum, allt frá leikmönnum í NBA yfir í langhlaupara, að taka inn kollagen til þess að endurnýja bein, sinar og brjósk sem hafa orðið fyrir skemmdum vegna mikils álags við æfingar og keppni.
Önnur rannsókn sem er í gangi og fjallað er um í greininni er leidd af teymi lækna við Institute of Sports Medicine Copenhagen. Teymið rannsakar hvort kollagenuppbót geti hraðað endurheimt hjá íþróttamönnum með sinavandamál og nefnir þar einn af rannsakendunum að mögulega geta allir íþróttamenn sem eru með álag á sinar notið góðs af kollagenuppbót.
Síðast en ekki síst fjallar höfundur greinarinnar um klíníska rannsókn á eldra fólki sem er í áhættu vegna minnkandi beinþéttni og hvort kollagenuppbót í 4 mánuði geti bætt virkni vöðva og sina sem geri þau þar af leiðandi minna viðkvæm fyrir því að hrasa og brjóta bein. Rannsóknir hafa bent til þess að rétt eins og hjá íþróttafólki getur vatnsrofið kollagen, eins og kollagenið frá Feel Iceland, hjálpað til við að endurnýja skemmda liði og slitgigt. Einnig hefur náðst betri árangur við hásinameinum að gera æfingar og taka kollagen fæðuviðbót að auki, heldur en að gera eingöngu æfingar.
„Ég hef mælt með því að fólk sem komið er með slitverki og sinafestuvandamál prófi kollagenið frá Feel Iceland. Mín reynsla er sú að fólk finnur oftast fljótt fyrir góðum áhrifum kollagensins.
Ég heyri það hjá íþróttafólki sem ég vinn með að eymsli og stífleiki minnkar. Þau sem hafa farið í krossbandaaðgerð finna fyrir minni stirðleika og til dæmis þeir sem hafa glímt við hásinavandamál finna fyrir minni verkjum og stífni. Þau finna einnig fyrir því að endurheimt verður betri,“ segir Ásta.
Viðhalda líkamanum fyrir framtíðina
Kollagen getur einnig gagnast eldra fólki með tilliti til slits og beinþéttni. Kollagen er eitt af meginuppbyggingarefnum beina og vöðva og þegar fólki fer að líða betur getur það frekar hreyft sig og byggt upp gott samband við líkamann. Það er nauðsynlegt að hreyfa sig í allavega 30 mínútur á dag,“ segir Ásta.
Ásta hefur sjálf góða reynslu af kollageninu frá Feel Iceland
„Ég tel kollagenið einnig hafa fyrirbyggjandi áhrif. Eftir 25 ár aldur minnkar náttúruleg kollagenframleiðsla í líkamanum um 1% á ári. Það er því mikilvægt að viðhalda því sem maður hefur svo maður verði ekki slæmur í skrokknum á seinni hluta ævinnar,“ segir Ásta. „Ég nota kollagenið sjálf í þeim tilgangi, fólk þarf ekki að vera farið að finna til til þess að nota kollagenið. Ég hef notað bæði duftið og Joint Rewind kollagenhylkin með góðum árangri. Mýkri húð er bara auka bónus,“ segir Ásta sposk.
Hvenær er best að taka kollagenið inn?
„Í sjálfu sér skiptir bara máli að ná því inn einhvern tíma yfir daginn. Það er vinsælt að setja duftið út í kaffið á morgnana en ég drekk til dæmis ekki kaffi heldur set duftið út í skyr eða búst. Ég hristi það líka oft bara út í vatn, það leysist upp eftir smá stund. Joint Rewind hylkin tek ég eftir hádegismatinn,“ segir Ásta.
